اخبار فوری
فــــهــــيـــم شـاهـیـن
27 جوزا 1405
55
سرحدي ځواکونو: د افغانستان او قزاقستان ترمنځ د امنیتي همکاریو پر پراختیا خبرې شوې
بریانیوز- چهار شنبه ٢۷ جوز ١٤٠٥
د طالبانو د کورنیو چارو وزارت د سرحدي پولیسو نظامي مرستیال مولوي عبدالمنان حسان د افغانستان لپاره د قزاقستان له سفیر غازیز اکباسوف او د دغه هېواد د امنیتي بنسټونو له استازو سره په لیدنه کې د دواړو هېوادونو ترمنځ د امنیتي همکاریو د پراختیا پر مهمو موضوعاتو خبرې کړې دي
په دې لیدنه کې دواړو لورو د پولو د امنیت د پیاوړتیا، د غیرقانوني تګ راتګ د مخنیوي او د سرحدي همکاریو د منظمولو په اړه نظرونه تبادله کړي دي
د طالبانو د کورنیو چارو وزارت ویلي چې په دې خبرو کې د معلوماتو د شریکولو، د ګډو ګواښونو پر وړاندې د همغږۍ او د سرحدي امنیتي همکارۍ د نوي میکانیزمونو پر جوړولو هم بحث شوی دی
همدارنګه د غونډې ګډونوالو ټینګار کړی چې د افغانستان او قزاقستان ترمنځ امنیتي اړیکې کولی شي د سیمې د ثبات په ټینګښت کې مهم رول ولوبوي او د ترهګریزو ګواښونو د کمېدو لپاره زمینه برابره کړي
دا خبرې په داسې حال کې کېږي چې د سیمې هېوادونه د ګډو امنیتي ننګونو له امله د همکارۍ او معلوماتي شریکولو هڅې لا زیاتوي، څو د سرحدي امنیت کچه لوړه او د احتمالي ګواښونو مخه ونیول شي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl