کابل: د جهادي او سیاسي ډګر وتلی شخصیت انجینر قطب‌الدین هلال ومړ

اشتراک گذاری:

بریانیوز- چهار شنبه ۳ سرطان ١٤٠٥

د افغانستان د جهاد د دورې مشهور شخصیت، د حزب اسلامي افغانستان پخوانی لوړپوړی غړی، د سیاسي چارو پخوانی رییس، د افغانستان د لومړي وزیر مرستیال او نوموتی قومي مشر له اوږدې ناروغۍ وروسته د ورپېښې ناروغۍ له امله وفات شو

انجینر قطب‌الدین هلال د افغانستان په سیاسي او جهادي تاریخ کې له هغو څېرو څخه ګڼل کېده چې د څو لسیزو په اوږدو کې یې د هېواد په مهمو سیاسي او ټولنیزو تحولاتو کې فعاله ونډه لرله. نوموړي د جهاد له دورې نیولې تر وروستیو کلونو پورې په بېلابېلو سیاسي او حکومتي مسؤلیتونو کې دنده ترسره کړې وه

د هغه د مړینې خبر د هېواد په سیاسي، قومي او ټولنیزو کړیو کې د خواشینۍ څپه خپره کړې ده. ګڼو سیاسي مشرانو، جهادي شخصیتونو او د هغه نږدې ملګرو د نوموړي مړینه د افغانستان لپاره یوه ستره ضایعه بللې ده

د کورنۍ د معلوماتو له مخې، د ارواښاد جنازې مراسم به نن چهارشنبه د کابل په کې ترسره شي

ټاکل شوې ده چې وروسته یې جسد د د چینګي کلي ته ولېږدول شي او هلته به خپلې پلرنۍ هدیرې ته وسپارل شي

انجینر قطب‌الدین هلال د خپل سیاسي ژوند په اوږدو کې د ملي پخلاینې، سیاسي مشارکت او د هېواد د ثبات په اړه د خپلو دریځونو له امله پېژندل کېده او نوم به یې د افغانستان د معاصر سیاسي تاریخ په مهمو پاڼو کې پاتې وي