اخبار فوری
فــــهــــيـــم شـاهـیـن
04 سرطان 1405
48
ایران: د ازادو شویو شتمنیو د کارونې پرېکړه به د ملي ګټو پر بنسټ کېږي
بریانیوز- پنجشنبه ۴ سرطان ١٤٠٥
تهران – د ایران د بهرنیو چارو وزارت ویاند ویلي چې تهران به د ازادو شویو شتمنیو د کارونې په اړه پرېکړه یوازې د ملي ګټو له مخې کوي او په دې برخه کې به د هېڅ بهرني فشار منلو ته غاړه کېنږدي
بقایي په خپلو څرګندونو کې ټینګار کړی چې ایران د خپلو مالي سرچینو په اړه بشپړه خپلواکي لري او د دغو شتمنیو د مصرف په اړه به د متحده ایالاتو هېڅ ډول محدودیت ونه مني
هغه زیاته کړې چې د ایران چارواکي د توکو د پېرلو پر مهال د قیمت او کیفیت پر بنسټ وروستۍ پرېکړه کوي، نه د بهرنیو سیاسي شرطونو له مخې
دا څرګندونې په داسې حال کې مطرح کېږي چې د امریکا ولسمشر ویلي وو چې د ایران ازاد شوي مالي شتمنۍ باید یوازې له امریکا څخه د خوړو د پېرلو لپاره وکارول شي
د تهران وروستۍ څرګندونې ښيي چې ایران غواړي د خپلو مالي منابعو د مدیریت په برخه کې خپل دریځ نور هم سخت او مستقل وساتي، په داسې حال کې چې د دواړو هېوادونو ترمنځ سیاسي اختلافات لا هم پر خپل ځای پاتې دي
شنونکي باور لري چې دا ډول تبادلې ښيي چې د ایران او امریکا ترمنځ د اقتصادي او سیاسي فشارونو لړۍ لا هم روانه ده او د باور فضا تر اوسه نه ده رامنځته شوې
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl