ورزش

فوټبال نړیوال جام : نیویارک ټایمز د ۲۰۲۶ نړیوال جام ۱۳ د اخراج پرېکړې ارزولي؛ ایا د داورانو ټولې پرېکړې سمې وې؟

اشتراک گذاری:

بریانیوز شنبه - ۲۰ سرطان ١٤٠٥

نیویارک – د ۲۰۲۶ کال د فوټبال نړیوال جام په سیالیو کې د ځینو داورانو د پرېکړو په اړه له پراخو نیوکو وروسته، ورځپاڼې نیویارک ټایمز تر دې پړاو پورې د لوبغاړو د اخراج ۱۳ پرېکړې ارزولي او څېړلې یې دي چې ایا په ټولو مواردو کې د داورانو پرېکړې د لوبې له قوانینو سره سمې وې که نه

د راپور له مخې، د هرې پېښې انځورونه او د فوټبال قوانین له نږدې ارزول شوي او د داورانو پرېکړې د بېلابېلو متخصصانو له نظرونو سره پرتله شوې دي. په راپور کې ویل شوي، که څه هم په ډېری پېښو کې د لوبغاړو اخراج د قوانینو له مخې پر ځای و، خو په یو شمېر نورو مواردو کې د داورانو پرېکړې د بحث او اختلاف وړ بلل شوې دي

نیویارک ټایمز لیکلي، که څه هم د لوبو د انځوریزې بیاکتنې سیستم د داورانو د مرستې لپاره کارول کېږي، خو وروستۍ پرېکړه بیا هم د لوبڅار پر ارزونه ولاړه وي، ځکه هره پېښه خپل ځانګړي شرایط لري

دا راپور په داسې حال کې خپرېږي چې د ۲۰۲۶ نړیوال جام په روانو سیالیو کې د داورانو یو شمېر پرېکړې د لوبغاړو، روزونکو او د فوټبال د مینه‌والو ترمنځ پراخ بحثونه راپارولي او د لوبو د عدالت په اړه یې پوښتنې راپورته کړې دي