مقاله

کابل – اسټراليايي ځواکونه په افغانستان کې په ۲۳ ناقانونه وژنو تورن بلل شوي

اشتراک گذاری:

بریانیوز - جمعه ٢۶ سرطان ١٤٠٥

د اسټراليا د نړۍوالو چارو انسټېټیوټ په یوه نوي راپور کې ویلي، اسټراليايي ځواکونه د افغانستان د جګړې پر مهال په ۲۳ ناقانونه وژنو کې ښکېل بلل شوي دي. راپور د جګړې پر مهال د نړیوالو بشري قوانینو د پلي کېدو او د پوځي چلند د څرنګوالي په اړه جدي اندېښنې راپورته کړې دي

د راپور له مخې، د افغانستان د جګړې تجربې ښيي چې یوازې د جګړې د نړیوالو قوانینو مراعتول د سرغړونو د مخنیوي لپاره بسنه نه کوي، بلکې د خلکو سپکاوی، د ملکي وګړو غیرانساني انځورول او د جګړې د اخلاقي ارزښتونو کمزوري کېدل هم د داسې پېښو له مهمو لاملونو څخه ګڼل کېږي

راپور ټینګار کوي چې د پوځي سرغړونو د مخنیوي لپاره یوازې قانوني چوکاټونه کافي نه دي، بلکې د پوځیانو مسلکي روزنه، حساب‌ورکونه او د بشري کرامت درناوی باید د پوځي تګلارو اساسي برخه وي

د اسټراليا د نړۍوالو چارو انسټېټیوټ په باور، د افغانستان جګړې تجربې د نړۍ د پوځونو لپاره مهم درسونه لري او ښيي چې د جګړې پر مهال د نړیوالو بشري اصولو او د ملکي وګړو د حقونو ساتنه باید له هر ډول پوځي عملیاتو سره هممهاله لومړیتوب ولري