تعلیم

د اطلاعاتو او فرهنګ وزارت: د افغانستان او مالیزیا د عامه کتابتونونو ترمنځ د همکارۍ پر پراختیا خبرې شوې

اشتراک گذاری:

بریانیوز- پنجشنبه، ۱- اسـد ١٤٠٥

د اطلاعاتو او فرهنګ وزارت د عامه کتابتونونو مشر رفیع‌الله صمیم د مالیزیا د ملي کتابتون له مسئولانو سره لیدنه کړې او د دواړو هېوادونو ترمنځ یې د فرهنګي او علمي همکارۍ د پراختیا په اړه خبرې کړې دي

د اطلاعاتو او فرهنګ وزارت د خبرپاڼې له مخې، په دې لیدنه کې د عامه کتابتونونو د خدمتونو د پیاوړتیا، د کاري تجربو د شریکولو، د کتابونو د برېښنايي خوندي کولو او د کتابتونونو د پرمختګ په اړه خبرې وشوې

د مالیزیا د ملي کتابتون مسئولانو د افغانستان د عامه کتابتونونو د پیاوړتیا، د اړینو وسایلو د برابرولو او د خپلې تجربې د لېږد لپاره د همکارۍ چمتووالی هم څرګند کړی دی

د اطلاعاتو او فرهنګ وزارت وایي، دا ډول همکارۍ کولی شي د هېواد د عامه کتابتونونو د ودې، د لوست دود د پیاوړتیا او د فرهنګي خدمتونو د پراختیا لپاره مهمې پایلې ولري