سیاست

ټرمپ: د امریکا او ایران خبرې ډېرې ښې وې؛ د هرمز تنګي د پرانیستل کېدو هیله شته

اشتراک گذاری:

بریانیوز/چهارشنبه ( ۱۴ / اسد /۱۴۰۵هـ.ش)

د امریکا ولسمشر ډونالډ ټرمپ ویلي، د امریکا او ایران چارواکو د سې شنبې په ورځ «ډېرې ښې» خبرې کړې دي؛ هغه څرګندونې چې د دواړو هېوادونو ترمنځ د کړکېچ د کمېدو او د هرمز تنګي د بېرته پرانیستل کېدو هیلې یې زیاتې کړې دي

ټرمپ ویلي، د دواړو لوریو ترمنځ مذاکرات یوه بشپړه ورځ دوام وکړ او هیله یې څرګنده کړې چې د هرمز تنګی به ډېر ژر بېرته پرانیستل شي

د امریکا ولسمشر په ورته وخت کې خبرداری ورکړی چې که ایران له احتمالي هوکړې شاته شي، نو له «سخت غبرګون» سره به مخ شي

د هرمز تنګی د نړۍ د انرژۍ د لېږد له مهمو لارو څخه شمېرل کېږي، او د دغه مسیر هر ډول بندښت کولای شي د تېلو او نړیوالو بازارونو پر وضعیت اغېز وکړي

تر اوسه ایراني چارواکو د ټرمپ د وروستیو څرګندونو په اړه بشپړ جزییات نه دي خپاره کړي، خو دواړه لوري هڅه کوي چې د روان کړکېچ لپاره د خبرو له لارې حل‌لاره ومومي