کابل : د عزیزي ګروپ او «شنګهای الېکټرېک» د ۳۰۰۰ مېګاواټه برېښنا پروژو هوکړه لاسلیک کړه

اشتراک گذاری:

بریانیوز/ جمعه( ۱۶ / اسد /۱۴۰۵هـ.ش)

کابل – د عزیزي ګروپ مشر، میرویس عزیزي، اعلان کړی چې د عزیزي انرژۍ او د چین د شنګهای الېکټرېک شرکت ترمنځ په افغانستان کې د برېښنا د تولید د پراختیا لپاره د همکارۍ هوکړه لاسلیک شوې ده

میرویس عزیزي په اېکس کې په خپره کړې خبرپاڼه کې ویلي، دغه هوکړه چین ته د هغه د سفر او د شنګهای الېکټرېک له چارواکو سره تر لیدنې وروسته لاسلیک شوې ده

د نوموړي په وینا، د دې هوکړې له مخې به دواړه شرکتونه په راتلونکو څلورو کلونو کې په افغانستان کې د ۳۰۰۰ مېګاواټه ګډ ظرفیت لرونکي د برېښنا تولیدي بټۍ جوړې کړي

عزیزي ویلي، د دغو پروژو موخه په هېواد کې د برېښنا د تولید زیاتوالی، د انرژۍ په برخه کې پانګونه او د افغانستان د برېښنايي زېربناوو پیاوړتیا ده

که دا پروژه د پلان له مخې عملي شي، د افغانستان د انرژۍ په سکټور کې به د وروستیو کلونو له سترو پانګونو څخه یوه وبلل شي او د کورني برېښنا تولید په لوړولو کې به مهم رول ولوبوي