سیاست

کابل : حنیف اتمر د هزاره او شیعه مشرانو له غوښتنو ملاتړ وکړ

اشتراک گذاری:

بریانیوز/ شنبه( ۱۷ / اسد /۱۴۰۵هـ.ش)

کابل – د افغانستان پخواني بهرنیو چارو وزیر حنیف اتمر د هزاره او شیعه مشرانو له وروستۍ ګډې اعلامیې ملاتړ کړی او د هغوی غوښتنې یې پر حق بللې دي

اتمر ویلي، د ټولنې د یوې برخې پر وړاندې هر ډول بې‌عدالتي په حقیقت کې پر ټول ملت ظلم دی. نوموړي له طالبانو غوښتي چې د هېواد د ټولو وګړو اساسي حقونو ته درناوی وکړي او د خلکو غوښتنو ته پام وکړي

تر دې وړاندې د هزاره او شیعه مشرانو په یوې ګډې اعلامیه کې طالبان پر «سیستماتیک تبعیض» تورن کړي وو. دوی له طالبانو غوښتي چې د امید سبز ښارګوټي د تخلیې پرېکړه لغوه او تمدن ټلوېزیون بېرته فعال کړي

دغو مشرانو ویلي، د ټولنې د بېلابېلو قشرونو د حقونو خوندي کول او له تبعیضي چلند څخه ډډه کول د هېواد د ثبات او ټولنیز یووالي لپاره اړین دي