اخبار فوری
فــــهــــيـــم شـاهـیـن
19 اسد 1405
59
اسلاماباد: د طالبانو د وسلو د قاچاق ادعا رد کړه؛ پر کابل یې سختې نیوکې وکړې
بریانیوز/ دوشنبه ( ۱۹ / اسد /۱۴۰۵هـ.ش)
اسلاماباد – کابل: د پاکستان د ولسمشر ویاند مرتضی سولنګي د طالبانو هغه ادعا په کلکه رد کړې چې ګواکې له پاکستان څخه افغانستان ته د وسلو د قاچاق یوه لړۍ روانه ده
سولنګي پر طالبانو نیوکه کړې او هغوی یې په سیمه کې د وسلو د تور بازار په اداره کولو، د نشهيي توکو په قاچاق او د وسلهوالو ډلو د پناه ورکولو تورن کړي دي. نوموړي د طالبانو اوسنی حکومت «بېراتلونکې» بللی دی
د پاکستان د ولسمشر ویاند ویلي، د اسلاماباد په باور، طالبان د پاکستان پر وړاندې د وسلو د قاچاق د تورونو په مطرح کولو سره هڅه کوي چې د افغانستان دننه د وسلهوالو ډلو د فعالیتونو په اړه د نړیوالې ټولنې پام بل لوري ته واړوي
دا څرګندونې وروسته له هغې کېږي چې د طالبانو د ۲۰۱ خالد بن ولید قولاردو ویلي وو، د پاکستان له لارې افغانستان ته قاچاق شوې ګڼې سپکې او درنې وسلې یې په ختیځو سیمو کې کشف او نیولې دي
د طالبانو اړوند چارواکو تر اوسه د مرتضی سولنګي د تازه څرګندونو په اړه رسمي غبرګون نه دی ښودلی
د کابل او اسلاماباد ترمنځ د وسلهوالو ډلو، سرحدي امنیت او د وسلو د قاچاق موضوع په وروستیو میاشتو کې د دواړو لورو ترمنځ د لفظي شخړو له مهمو محورونو څخه پاتې شوې ده
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl