اخبار فوری
فــــهــــيـــم شـاهـیـن
19 اسد 1405
60
جعفر مهدوي: د شیعه او هزاره مشرانو اندېښنې مې له طالب چارواکو سره شریکې کړې
بریانیوز/ دوشنبه ( ۱۹ / اسد /۱۴۰۵هـ.ش)
کابل – د افغانستان د تېر جمهوري نظام د ولسي جرګې پخواني غړي جعفر مهدوي وايي، د شیعه او هزاره مشرانو اندېښنې یې له طالبانو سره د لیدنو پر مهال له لوړپوړو چارواکو سره شریکې کړې دي
مهدوي ویلي، هڅه کوي د هزاره او شیعه ټولنې هغه اندېښنې او غوښتنې د طالبانو تر مشرتابه ورسوي چې په دې وروستیو کې پرې نیوکې او اعتراضونه زیات شوي دي
نوموړي همداراز هغه اوازې رد کړې چې ګواکې طالبانو ورته د خپل کور د خالي کولو امر کړی دی
د مهدوي څرګندونې په داسې حال کې دي چې د طالبانو د عدلیې وزیر عبدالحکیم شرعي له لوري په کابل کې د «امید سبز» ښارګوټي د خالي کولو د امر په اړه پراخ غبرګونونه راپورته شوي دي
د یاد ښارګوټي یو شمېر اوسېدونکو د دغه پرېکړې پر وړاندې لاریونونه کړي او له طالبانو یې د پرېکړې د لغوه کولو او د خپلو حقونو د خوندي کولو غوښتنه کړې ده
د هزاره او شیعه ټولنې یو شمېر استازي په دې وروستیو کې د خپلو مدني، ټولنیزو او حقوقي حقونو په اړه اندېښنې مطرح کړې دي او له طالبانو یې غوښتي چې د ټولو وګړو له حقونو سره دې یو ډول چلند وشي
تر اوسه د طالبانو حکومت د مهدوي د څرګندونو او د نوموړي له لوري د مطرح شویو اندېښنو په اړه رسمي څرګندونې نه دي کړي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl