سیاست

اوکراین پخوانی وزیر: د جګړې له دوام سره سره دې ټاکنې ترسره شي

اشتراک گذاری:

بریانیوزچهار شنبه ( ۲۶ / اسد /۱۴۰۵هـ.ش)

کییف – د اوکراین د دفاع پخواني وزیر میخائیلو فدوروف په یوه تازه ویډیویي پیغام کې غوښتنه کړې چې په هېواد کې دې د جګړې له دوام سره سره ټاکنې ترسره شي

فدوروف په خپله خپره کړې ویډیو کې ویلي، دیموکراسي باید د روسیې له جګړې سره تړلې نه وي او اوکراین باید د یوه خپلواک او ازاد هېواد په توګه خپل سیاسي نظام وساتي

نوموړي ټینګار کړی چې د جګړې شرایط باید د دیموکراتیکو ارزښتونو د کمزوري کېدو لامل نه شي او د خلکو د سیاسي ګډون حق باید خوندي پاتې شي

فدوروف چې د جولای په میاشت کې له خپلې دندې ګوښه شوی و، په اوکراین کې د حکومتدارۍ پر وضعیت هم نیوکه کړې او ویلي یې دي چې د فساد او سیاسي ستونزو د حل لپاره جدي اقداماتو ته اړتیا ده

د هغه له ګوښه کېدو وروسته، د اوکراین ولسمشر ولادیمیر زېلېنسکي یوګني خمارا د دفاع وزارت د سرپرست په توګه ټاکلی دی

په اوکراین کې د جګړې له پیل راهیسې د ټاکنو ترسره کېدل له جدي امنیتي او قانوني ننګونو سره مخ دي. د جګړې دوام، د هېواد د ځینو سیمو اشغال او د میلیونونو خلکو بې‌ځایه کېدل هغه عوامل دي چې د ټاکنو د څرنګوالي په اړه یې پراخ بحثونه راپورته کړي دي

فدوروف بیا ټینګار کوي چې د جګړې له امله باید دیموکراتیک بهیر په بشپړه توګه ودرول نه شي او اوکراین باید د سیاسي ازادۍ او ولسواکۍ ارزښتونه وساتي