سیاست

بیشکک : پزشکیان او پوتین د ایران او روسیې پر اړیکو خبرې وکړې

اشتراک گذاری:

بریانیوز چهار شنبه ( ۱۱/ سنبله /۱۴۰۵هـ.ش)

بیشکک — د ایران ولسمشر مسعود پزشکیان د شانګهای همکاریو سازمان د سرمشریزې او «شانګهای پلاس» غونډې په څنډه کې د روسیې له ولسمشر ولادیمیر پوتین سره لیدلي او د دواړو هېوادونو د اړیکو په اړه یې خبرې کړې دي

د راپورونو له مخې، په دې لیدنه کې د ایران او روسیې د دوه‌اړخیزو اړیکو وروستی وضعیت او د اقتصادي، سوداګریزو او نورو برخو کې د همکاریو د پراختیا لارې چارې وڅېړل شوې

پزشکیان په دې لیدنه کې د ایران پر وړاندې د امریکا د سیاستونو په اړه هم د روسیې له دریځ څخه مننه کړې او ویلي یې دي چې تهران او مسکو کولی شي د یو اړخیزو فشارونو پر وړاندې خپلې همکارۍ لا پیاوړې کړي

پوتین او پزشکیان په داسې وخت کې سره ګوري چې د ایران او لوېدیځ ترمنځ کړکېچ یو ځل بیا زیات شوی او د تهران او واشنګټن ترمنځ د وروستیو نښتو له امله سیمه‌ییز وضعیت هم ترینګلی دی

د دواړو مشرانو لیدنه د شانګهای همکاریو سازمان د سرمشریزې په څنډه کې شوې؛ هغه غونډه چې د چین، روسیې، ایران، هند او پاکستان په ګډون د سیمې د مهمو هېوادونو مشران پکې راټول شوي دي