اخبار جهان

یونیسف: د بحرانونو له رامنځته کېدو مخکې چټک اقدام د افغانستان د خلکو مقاومت پیاوړی کوي

اشتراک گذاری:

(بریانیوز چهار شنبه (۱/ میزان /۱۴۰۵هـ.ش

په افغانستان کې د ملګرو ملتونو د ماشومانو صندوق استازي تاج‌الدین اویوالې ویلي، د بحرانونو له رامنځته کېدو مخکې د وخت پر بنسټ اقدامات کولی شي د خلکو د مقاومت د پیاوړتیا او د احتمالي زیانونو د کمولو لپاره مهم رول ولري

نوموړي د نړیوال اغېز د ارزونې په یوه ناسته کې په افغانستان کې د یونیسف د مخکیني اقدام تجربې شریکې کړې او ویې ویل، د شواهدو پر بنسټ د خطرونو ارزول او له بحرانونو مخکې د اړینو اقداماتو ترسره کول کولی شي د بېړنیو حالاتو پر وړاندې د ټولنو چمتووالی زیات کړي

اویوالې ټینګار کړی چې د بحرانونو تر رامنځته کېدو مخکې د مرستو لپاره د مالي سرچینو له مخکې برابرول او د سیمې د خلکو او ادارو د وړتیاوو پیاوړتیا د اغېزمن غبرګون لپاره مهم دي

د هغه په وینا، که د احتمالي بحرانونو نښې له مخکې وپېژندل شي او لازمې سرچینې او پلانونه ورته چمتو وي، نو د زیانمنو خلکو لپاره به د اړتیا پر وخت د مرستو رسول چټک او اغېزمن شي

هغه زیاته کړې چې د افغانستان تجربه ښيي، د ټولنو د سیمه‌ییزو وړتیاوو پیاوړتیا او د شواهدو پر بنسټ مخکې له مخکې اقدام کول د اوږدمهاله مقاومت په رامنځته کولو کې مهمه ونډه لري