تکنولوژی

واشنګټن : امریکا او چین د مصنوعي ځیرکتیا د امنیتي ګواښونو پر ګډ خبرداري میکانیزم خبرې کوي

اشتراک گذاری:

(بریانیوز سه شنبه (۳۱/ سنبله /۱۴۰۵هـ.ش

د امریکا د مالیې وزیر سکاټ بېسېنټ وايي، امریکا او چین د داسې یوه ګډ میکانیزم پر جوړولو خبرې کړې دي چې له مخې به یې دواړه هېوادونه د مصنوعي ځیرکتیا له امله د رامنځته کېدونکو احتمالي ملي امنیتي ګواښونو په اړه یو بل ته معلومات او خبرداری ورکوي

بېسېنټ ویلي، د دې طرحې موخه دا ده چې واشنګټن او بیجینګ د مصنوعي ځیرکتیا د چټک پرمختګ له امله د خپلو ملي امنیتي اندېښنو په اړه د معلوماتو د شریکولو لپاره د اړیکو یوه ځانګړې لاره ولري

د نوموړي په وینا، دواړه هېوادونه هڅه کوي د مصنوعي ځیرکتیا د پرمختګ له احتمالي خطرونو سره د مقابلې لپاره د خبرو اترو او همغږۍ زمینه پراخه کړي

دا خبرې په داسې حال کې کېږي چې امریکا او چین د مصنوعي ځیرکتیا د پرمختللو ټکنالوژیو، اقتصادي سیالۍ او ملي امنیت په برخو کې له یو بل سره د پام وړ سیالي لري

د احتمالي ګډ میکانیزم د جوړېدو په اړه لا تر اوسه د دواړو هېوادونو له خوا د دې طرحې د عملي کېدو کره نېټه او بشپړ جزیات نه دي اعلان شوي