مقاله

بدخشان : د روسیې ۲۲ کسیزه سیاحتي ډله بدخشان ته ورسېده

اشتراک گذاری:

(بریانیوز چهار شنبه (۱/ میزان /۱۴۰۵هـ.ش

د روسیې د سیلانیانو ۲۲ کسیزه ډله بدخشان ولایت ته رسېدلې او ټاکل شوې چې د دغه ولایت له تاریخي، طبیعي او سیاحتي سیمو لیدنه وکړي

د معلوماتو له مخې، دغه ډله به د واخان ولسوالۍ ترڅنګ د بدخشان له یو شمېر مشهورو طبیعي او سیاحتي سیمو هم لیدنه وکړي او د سیمې له طبیعي ښکلاوو او ځانګړو جغرافیایي سیمو به لیدنه ولري

واخان د پامیر د غرونو، لوړو درو او ځانګړي طبیعي چاپېریال له امله د افغانستان له مهمو سیاحتي سیمو څخه ګڼل کېږي او په وروستیو کلونو کې یې د بهرنیو سیلانیانو پام هم ځان ته اړولی دی

د بهرنیو سیلانیانو د دغسې سفرونو زیاتېدل کولای شي د بدخشان د سیاحت د ودې، سیمه‌ییزو اقتصادي فعالیتونو او د افغانستان د طبیعي سیمو د نړیوالې پېژندنې لپاره زمینه برابره کړي

د روسي سیلانیانو دغه سفر په داسې مهال ترسره کېږي چې د افغانستان یو شمېر طبیعي او تاریخي سیمو ته د بهرنیو سیلانیانو د سفرونو لړۍ د پراخېدو په حال کې ده