اخبار فوری
شفيق احمد
01 میزان 1405
37
د طالبانو وسله والو کسانو د افغانستان د پخواني ولسمشر حامد کرزي پر کور یرغل کړی او هغه کسان یې له سیمې تیت کړي چې د نوموړي د لیدو لپاره ورغلي وو.
بریانیوز- چهارشنبه، ١ میزان ١٤٠٥
یو باوري سرچینې وايي، د چهارشنبې په سهار، د میزان په لومړۍ نېټه، د طالبانو یو شمېر وسله وال کسان د حامد کرزي استوګنې ځای ته ورغلي او د هغه هغو مېلمنو ته یې اجازه نه ده ورکړې چې د پخواني ولسمشر د لیدو لپاره ورغلي وو.
د سرچینو په وینا، په دغو کسانو کې یو شمېر قومي مشران هم شامل وو چې د حامد کرزي لیدو ته ورغلي وو، خو د طالبانو ځواکونو له هغوی سره «بېاحترامي» کړې او د لیدنې مخه یې نیولې ده.
ویل کېږي، ځینو کسانو د طالبانو د دې چلند په وړاندې اعتراض هم کړی او له هغوی یې غوښتي چې اجازه ورکړي د پخواني ولسمشر لیدو ته ورشي، خو وسله والو طالبانو هغوی له سیمې تیت کړي دي.
تر اوسه طالبانو په رسمي ډول نه دي ویلي چې د حامد کرزي پر کور د خپلو ځواکونو د ورتګ او د هغه د مېلمنو د لیدنې د مخنیوي دلیل څه و. دا هم روښانه نه ده چې دغه اقدام د کوم طالب چارواکي په امر شوی دی.
یوې سرچینې ادعا کړې چې دغه محدودیتونه ښايي د افغانستان د سیاسي وضعیت په اړه د حامد کرزي د وروستیو څرګندونو او دریځونو سره تړاو ولري.
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl