اخبار جهان

لندن : بریټانیا افغان او فلسطیني ښځو او نجونو ته د قانوني پناه ورکولو طرحه وړاندې کوي

اشتراک گذاری:

(بریانیوزچهارشنبه (۸/ میزان /۱۴۰۵هـ.ش

بریټانیا غواړي د افغان او فلسطیني ښځو او نجونو لپاره د قانوني پناه ورکولو او دغه هېواد ته د هغوی د خوندي لېږد نوې پروسه پیل کړي

د بریټانیا د کورنیو چارو وزیرې شبانه محمود به د دې پروګرام د پیل طرحه د کارګر ګوند یوې مرکزي غونډې ته وړاندې کړي

د طرحې له مخې، په لومړي پړاو کې به یوازې څو سوه افغانې او فلسطینۍ ښځې او نجونې بریټانیا ته ولېږدول شي، خو ټاکل شوې چې په راتلونکو پړاوونو کې د دې پروسې لمن پراخه شي.

په دې پروګرام کې به د منل شوو ښځو او نجونو له نږدې او اړینو کورنیو غړو سره هم د بریټانیا د تګ اجازه ورکړل شي

د بریټانیا حکومت وايي، د دې طرحې موخه هغو ښځو او نجونو ته د خوندي او قانوني پناه زمینه برابرول دي چې د خپلو هېوادونو د روان وضعیت له امله له جدي ستونزو او ګواښونو سره مخ دي