اخبار فوری
خواجه اصف: ملا فضلالرحمن او ایمل ولي خان د ګورنر راج مخالفت ځکه کوي چې واک او برخه نه ده ورکړل شوې
فــــهــــيـــم شـاهـیـن
25 میزان 1405
22
خواجه اصف: ملا فضلالرحمن او ایمل ولي خان د ګورنر راج مخالفت ځکه کوي چې واک او برخه نه ده ورکړل شوې
(بریانیو شنبه (۲۵/ میزان /۱۴۰۵هـ.ش
د پاکستان د دفاع وزیر خواجه اصف ادعا کړې چې د جمعیت علمای اسلام مشر مولانا فضلالرحمن او د عوامي نشنل ګوند مشر ایمل ولي خان په خیبر پښتونخوا کې د ګورنر راج له پلي کېدو سره ځکه مخالفت کوي چې د دوی په وینا، په واک او سیاسي امتیازاتو کې ورته برخه نه ده رسېدلې
خواجه اصف په یوه تازه مرکه کې ویلي چې دواړه سیاستوال په تېر وخت کې د دوی د سیاسي ایتلاف برخه وو، خو هغه مهال هم د دوی لیدلوری له اوسني دریځ سره توپیر درلود. نوموړي د خپلو څرګندونو په ترڅ کې پر دواړو مشرانو نیوکه کړې او د ګورنر راج پر وړاندې یې د هغوی مخالفت له سیاسي ګټو سره تړلی بللی دی
دا موضوع په داسې حال کې راپورته شوې چې د عمران خان د حکومت له نسکورېدو وروسته، د نواز شریف په مشرۍ د مسلم لیګ ډلې او ورسره د ایتلاف د نورو ګوندونو ترمنځ سیاسي همکاري رامنځته شوې وه
تر دې وړاندې، ایمل ولي خان هم له خواجه اصف سره د نږدې اړیکو په اړه څرګندونې کړې وې او هغه یې د خپل کاکا په څېر بللی و. خو اوس د ګورنر راج پر سر د سیاسي دریځونو اختلاف د پخوانیو ایتلافي ملګرو ترمنځ د اړیکو او متقابلو نیوکو موضوع ګرځېدلې ده
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl