اخبار فوری
فــــهــــيـــم شـاهـیـن
06 عقرب 1405
37
افغانستان : صادرات ۱۲۵.۷ میلیونه ډالر کم شوي؛ واردات ۶.۶۵ میلیارده ډالرو ته رسېدلي
(بریانیوزچهار شنبه (۶/ عـقـرب/۱۴۰۵هـ.ش
د افغانستان د احصایې او معلوماتو عمومي اداره وايي، د روان ۱۴۰۵ لمریز کال په لومړیو شپږو میاشتو کې د هېواد د صادراتو ارزښت ۵۹۸.۵ میلیونه ډالرو ته رسېدلی چې د تېر کال د همدې مودې په پرتله ۱۲۵.۷ میلیونه ډالر کموالی ښيي
د دغې ادارې د معلوماتو له مخې، په همدې موده کې د افغانستان د وارداتو ارزښت ۶ میلیارده او ۶۵۶.۶ میلیونه ډالرو ته رسېدلی دی. دا شمېره د تېر کال د ورته مودې په پرتله ۱۱۶.۳ میلیونه ډالر زیاتوالی ښيي
د شمېرو له مخې، د افغانستان د وارداتو ارزښت د صادراتو په پرتله ډېر لوړ دی. د روان کال په لومړیو شپږو میاشتو کې د هېواد د صادراتو او وارداتو ترمنځ توپیر شاوخوا ۶ میلیارده او ۵۸.۱ میلیونه ډالرو ته رسېږي
وچې او تازه مېوې د صادراتو مهم توکي
د احصایې او معلوماتو عمومي اداره زیاتوي چې وچې او تازه مېوې او طبي بوټي د افغانستان په صادراتو کې د پام وړ ونډه لري
په ورته وخت کې، نفتي مواد، روغنیات، ماشینونه، ټرانسپورټي وسایط او د هغوی پرزې د هېواد د وارداتو له مهمو توکو څخه دي
د دغو شمېرو له مخې، د روان کال په لومړیو شپږو میاشتو کې د افغانستان صادرات کم شوي، خو واردات یې زیات شوي دي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl