اخبار فوری
طالبان: د ایران او افغانستان د بهرنیو چارو وزیرانو ترمنځ د پاکستان د سرغړونو په اړه مهمې خبرې شوې
فــــهــــيـــم شـاهـیـن
26 میزان 1404
10
د طالبانو د حکومت د بهرنیو چارو وزارت وایي، د افغانستان د بهرنیو چارو سرپرست وزیر امیرخان متقي او د ایران د بهرنیو چارو وزیر سید عباس عراقچي ترمنځ د ټیلیفوني خبرو لړۍ ترسره شوې، چې په هغې کې د پاکستان له خوا د افغانستان د حریم د نقض او نورو سیمه ییزو مسایلو په اړه بحثونه شوي دي
د وزارت ویاند عبدالقهار بلخي په خپل اېکس (پخوانی ټویټر) پاڼه لیکلي، چې ښاغلي متقي په خبرو کې څرګنده کړې، افغانستان د جګړې لور نه دی، بلکې دا پاکستان و چې د افغانستان پر خاوره د بریدونو په ترسره کولو سره یې د تاوتریخوالي دروازه پرانیستله
د هغه په وینا، متقي زیاته کړې چې نن به د طالبانو د دفاع وزیر د قطر په پلازمېنه دوحه کې له پاکستاني استازو سره خبرې ولري، او د دغو ناستو پایلو ته به کابل په حوصله منتظر وي
بلخي ویلي، د ایران د بهرنیو چارو وزیر سید عباس عراقچي د خبرو او تفاهم له لارې د شخړې د حل ملاتړ کړی او له خپلې خوا یې د هر ډول مرستې چمتووالی څرګند کړی دی
سرچینې زیاتوي، دواړو لوریو د افغانستان او ایران ترمنځ د دوه اړخیزو اړیکو، اقتصادي همکارۍ او سیمهییز ثبات په اړه هم نظرونه تبادله کړي دي
عراقچي د دواړو هېوادونو د تماسونو او خبرو د دوام هرکلی کړی او ټینګار یې کړی، چې د ستونزو حل یوازې د ډیپلوماسۍ او متقابل درناوي له لارې ممکن
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي