اخبار فوری
فــــهــــيـــم شـاهـیـن
01 جدی 1404
14
د روسیې د تحقیقاتو کمېټې اعلان کړی، چې د دې هېواد د وسلهوالو ځواکونو د لوی درستیز د عملیاتي روزنې د ادارې مشر، جنرال فانیل سارواروف، د دوشنبې په سهار د مسکو په ښار کې د موټر بم د چاودنې له امله وژل شوی دی
د کمېټې د معلوماتو له مخې، پېښه هغه مهال رامنځته شوه چې یو بمځای پر ځای شوی موټر وچاودېد او جنرال سارواروف یې پر ځای ژوند له لاسه ورکړ. چارواکو ویلي، چې دا برید هدفمند و او د لوړپوړي پوځي مقام د ترور په موخه ترسره شوی دی
د روسیې د تحقیقاتو کمېټې ویاندې، سوتلانا پترنکو، رسنیو ته ویلي چې د یاد جنرال د وژنې په تړاو جنایي دوسیه پرانیستل شوې ده. نوموړې زیاته کړې، چې د پېښې ټول اړخونه تر جدي څېړنې لاندې دي او بېلابېل سناریوګانې ارزول کېږي
پترنکو همداراز ویلي، چې د پلټنو په لړ کې یو له مطرح شویو فرضیو څخه د اوکراین د استخباراتي ادارو د احتمالي لاسوهنې موضوع ده، خو ټینګار یې کړی چې تر اوسه وروستۍ پایله نه ده اعلان شوې او څېړنې لا روانې دي
دا پېښه په داسې حساس وخت کې رامنځته کېږي، چې د روسیې او اوکراین ترمنځ جګړه دوام لري او امنیتي وضعیت لا هم ترینګلی دی. شنونکي وایي، که د دې ترور تر شا د بهرنیو استخباراتي شبکو لاس لرل ثابت شي، ښايي د سیمې پر امنیتي معادلو او د جګړې پر بهیر ژور اغېز ولري
د روسیې امنیتي ارګانونو ویلي، چې د پېښې د عاملینو د پېژندنې او نیولو لپاره هڅې روانې دي او د مسکو په بېلابېلو سیمو کې امنیتي تدابیر هم سخت شوي دي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي