د افغانستان او هند روغتیایي خبرې اترې؛ پر دودیز طب ځانګړی تمرکز

د طالبانو د ادارې د عامې روغتیا وزارت تخنیکي پلاوي د هند پلازمېنې نوي‌ډهلي ته د سفر پر مهال د «همدرد د طبي علومو او څېړنو انستیتوت څخه لیدنه کړې او د دواړو لورو ترمنځ د روغتیایي همکاریو د پراختیا په اړه خبرې شوې دي. د دغو خبرو اترو اصلي تمرکز پر دودیز او تلفیقي طب، طبي زده‌کړو، علمي څېړنو او د درملو د معیاري‌کولو پر بهیر و

مشرتابه اعلان کړی، چې د افغانستان له روغتیایي ادارو سره د ګډو څېړنیزو پروژو د پلي کولو، د دودیزو درملو د کیفیت د ازموینې، د علمي تجربو د تبادلې او د افغان ډاکترانو او روغتیایي کادرونو لپاره د تخصصي روزنې او بورسونو د برابرولو بشپړ چمتووالی لري

د راپورونو له مخې، افغان پلاوي همداراز له هندي آیورویدي شرکتونو سره لیدنې کړې دي، چې پکې د دودیزو درملو د برابرولو، پانګونې او د درملو د تولید په برخه کې د احتمالي همکاریو پر لارو چارو بحث شوی دی. دا ګامونه د دواړو هېوادونو ترمنځ د روغتیایي اړیکو د پیاوړتیا نښه بلل کېږي

روغتیایي شنونکي وایي، که څه هم دا ډول خبرې اترې د افغانستان د کمزوري روغتیایي نظام لپاره مهمې ګڼل کېږي، خو ټینګار کوي چې د هر ډول همکاریو بریالیتوب له شفافیت، خپلواک نظارت او د خلکو عادلانه لاسرسي سره تړلی دی. د هغوی په وینا، باید ډاډ ترلاسه شي چې دا پروګرامونه یوازې په کاغذ نه، بلکې په عملي ډول د ولس روغتیایي ستونزو ته ځواب ووايي

دا خبرې اترې په داسې حال کې ترسره کېږي، چې افغانستان له جدي روغتیایي ننګونو سره مخ دی او د روغتیایي خدماتو پراختیا، د درملو کیفیت او د مسلکي کادرونو روزنه د خلکو له بنسټیزو اړتیاوو څخه شمېرل کېږي