اخبار فوری
نعمت
08 دلو 1404
15
د هرات تاريخي منارې يو ځل بيا له ګواښ سره مخ شوې؛ تړل شوی سړک د طالبانو له لوري پرانيستل شو:
بریانیوز:(چهار شنبه،٨ دلو۱۴۰۴)
څو ساعته وړاندې طالبانو هغه سړک د ترافيک پر مخ پرانيست چې د هرات د تاريخي منارو او د مصلا له منځه تېرېږي؛ دا لاره نږدې يو نيمه لسيزه مخکې د همدې اثارو د ژغورنې لپاره تړل شوې وه.
دغه سړک د پخواني حکومت پر مهال د يونسکو او نورو نړيوالو فرهنګي بنسټونو د سپارښتنو پر بنسټ بند شوی و، ځکه دا نړيوال ارزښت لرونکي اثار د تخريب له جدي ګواښ سره مخ وو. د جمهوريت حکومت د بديل په توګه د ميليونونو افغانيو په لګښت «سرک بديل منارهها» جوړ کړ، سلګونه کورونه شاته کړل شول او د تاريخي منارو د ساتنې لپاره يو له تر ټولو مهمو او لويې پروژو څخه عملي شوه.
خو طالبانو، بې له دې چې د فرهنګي ميراثونو د ارزښت، ملي هويت او تاريخي مسؤليت په اړه کوم وضاحت ورکړي، نن سهار دغه سړک يو ځل بيا پرانيست. دا اقدام دا اندېښنه پياوړې کوي چې د نړيوالو سپارښتنو تر څنګ، هغو تاريخي اثارو ته هم پاملرنه نه کېږي چې د يو ملت تاريخ، هويت او تمدن ورسره تړلی دی.
د فرهنګي چارو شنونکي خبرداری ورکوي چې دا ډول پرېکړې کولی شي د هرات د منارو په ګډون د افغانستان ګڼ نور تاريخي اثار د دايمي زيان او له منځه تلو له جدي ګواښ سره مخ کړي.
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl