اخبار فوری
هرات ولایت کې د هدفي وژنو زیاتوالی؛ په یوه اوونۍ کې اووه کسان وژل شوي:
-
نعمت
08 دلو 1404
16
هرات ولایت کې د هدفي وژنو زیاتوالی؛ په یوه اوونۍ کې اووه کسان وژل شوي:
بریانیوز:(چهار شنبه،٨ دلو۱۴۰۴)
هرات کې په یوه اوونۍ کې د بېلابېلو پېښو له امله اووه کسان وژل شوي
بریا نیوز ته رسېدلي معلومات ښيي چې د تېرې یوې اوونۍ په ترڅ کې د هرات ښار په بېلابېلو سیمو کې د جلا جلا پېښو له امله لږ تر لږه اووه کسان خپل ژوند له لاسه ورکړی دی.
د معلوماتو له مخې، په وژل شویو کسانو کې یو صراف، دوه ځوانان چې له تفریح څخه د راستنېدو پر مهال د هرات–کرخ پر لویه لاره وژل شوي، یو کمعمره لاسپلورونکی، یو سړی د ښار په یوولسمه ناحیه کې، او همدارنګه د ښار په مرکزي سیمو کې د هدفي ترور دری جلا پېښې شاملې دي.
د راپورونو پر بنسټ، د یادو پېښو تر ټولو وروستۍ هغه د یکشنبې په مازدیګر، د دلو د میاشتې په پنځمه نېټه، د مجیدي سړک ته څېرمه رامنځته شوې ده. تر اوسه د دغو پېښو د عاملینو او انګېزو په اړه رسمي او کره معلومات نه دي خپاره شوي.
دغه پېښې په داسې حال کې رامنځته کېږي چې د هرات ښار اوسېدونکي د امنیتي وضعیت د خرابېدو له امله اندېښنه څرګندوي او د مسوولو ادارو څخه د جدي اقداماتو غوښتنه کوي.
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl