مقاله

د ملګرو ملتونو د بشري حقونو کمېشنر له پاکستان او طالبانو د نښتو د درولو غوښتنه وکړه

اشتراک گذاری:

بریانیوز:(پنجشنبه،۲۱ حوت۱۴۰۴)

د ملګرو ملتونو د بشري حقونو عالي کمېشنر ولکر ترک له پاکستان او د افغانستان له طالبانو غوښتي چې د دواړو خواوو ترمنځ مخ پر زیاتېدو نښتې ژر تر ژره ودروي

نوموړي خبرداری ورکړی چې دا روان تاوتریخوالی د بشري وضعیت د لا خرابېدو سبب ګرځي او په سیمه کې شته بشري کړکېچ نور هم ژوروي

د د ملګرو ملتونو د بشري حقونو عالي کمېشنري په وینا، وروستۍ نښتې نه یوازې د خلکو ژوند له خطر سره مخ کړی، بلکې د بې ځایه کېدو، اقتصادي ستونزو او د بشري مرستو د رسېدو پر بهیر هم منفي اغېز کړی دی

ولکر ترک ټینګار کړی چې دواړه لوري باید له زغم کار واخلي او د ستونزو د حل لپاره د خبرو اترو لاره خپله کړي، څو د ملکي وګړو د زیان مخه ونیول شي

په وروستیو اونیو کې د افغانستان او پاکستان ترمنځ په سرحدي سیمو کې څو ځله نښتې شوې دي، چې له امله یې دواړو خواوو ته مرګ ژوبله اوښتې او د سیمې اوسېدونکي له سختو ستونزو سره مخ شوي دي

شنونکي وایي که دا کړکېچ ژر مهار نه شي، نو ښايي د سیمې امنیتي وضعیت نور هم کړکېچن کړي او بشري ستونزې لا زیاتې کړي