اخبار فوری
قطر د بهرنيو چارو وزارت د اسراییلو او لبنان ترمنځ د اوربند هرکلی کړی او دا یې د سيمې د تاوتريخوالي د راکمولو لپاره يو مهم او اغېزناک ګام بللی دی
فــــهــــيـــم شـاهـیـن
28 حمل 1405
41
قطر د بهرنيو چارو وزارت د اسراییلو او لبنان ترمنځ د اوربند هرکلی کړی او دا یې د سيمې د تاوتريخوالي د راکمولو لپاره يو مهم او اغېزناک ګام بللی دی
بریانیوز:(جمعه،۲۸ حمل۱۴۰۵)
چې د ياد وزارت له لوري خپره شوې، ټينګار شوی چې دواړه لوري بايد بې له ځنډه د دې هوکړې درناوی وکړي، څو په سيمه کې نسبي ثبات خوندي پاتې شي او د کړکېچونو د لا زياتېدو مخه ونيول شي. د قطر حکومت دا اوربند د سياسي حل لارو پر لور يو مثبت پرمختګ ګڼي او هيله لري چې دا به د دوامدارې سولې لپاره لاره هواره کړي
خبرپاڼه زياتوي چې د شخړو دوام نه يوازې د ښکېلو خواوو لپاره زيانمن دی، بلکې د ټولې سيمې پر امنيت او اقتصادي حالت هم ناوړه اغېزې لري. له همدې امله، قطر پر نړيوالې ټولنې غږ کړی چې د دې اوربند د ټينګښت لپاره فعاله ونډه واخلي او د خبرو اترو له لارې د ستونزو د حل ملاتړ وکړي
د قطر د بهرنيو چارو وزارت همداراز ټينګار کړی چې د خبرو اترو، متقابل درناوي او سياسي تفاهم له لارې کولای شو د اوږدمهالې سولې بنسټ کېښودل شي. دوی دا اوربند د باور جوړونې يو پيل بللی او ويلي یې دي چې بايد له دې فرصته د سولې د پراختيا لپاره ګټه واخيستل شي
کارپوهان باور لري چې که دا اوربند په رښتينې توګه عملي شي، نو کولی شي د سيمې د نورو کړکېچونو د کمېدو لپاره هم يو ښه بېلګه وګرځي او د ډيپلوماټيکو هڅو لپاره نوې هيلې راژوندۍ کړي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl