مقاله

په ایران کې د جاسوسي شبکې دوو غړو اعدام؛ د موساد له شبکې سره د اړیکو تورونه

اشتراک گذاری:

بریانیوز:( دوشنبه،۳۱ حمل۱۴۰۵)

د ایران رسمي راپور ورکړی چې د یوې استخباراتي شبکې دوه غړي، چې د موساد سره د تړاو په تور نیول شوي وو، اعدام شوي دي

د راپورونو له مخې، دغو کسانو له لارې د انټرنېټي اړیکو او همدارنګه د سفرونو له لارې د عراق د کردستان سیمې ته تګ راتګ کړی و، چیرې چې دوی د موساد له افسرانو سره اړیکې ټینګې کړې وې

ویل کېږي چې وروسته هغوی ځانګړي روزنیز پروګرامونه هم بشپړ کړي وو او بیا بېرته ایران ته ستانه شوي وو

ایراني رسنیو ادعا کړې، چې دغه کسان د هېواد د امنیت پر ضد په فعالیتونو کې ښکېل وو او د حساسو معلوماتو د راټولولو او لېږدولو هڅې یې کولې. د همدې تورونو پر بنسټ د هغوی قضیې تر عدلي بهیر وروسته د اعدام حکم ته رسېدلې دي

ایراني چارواکو ټینګار کړی چې د ملي امنیت پر ضد هر ډول فعالیت به جدي وڅېړل شي او سخت قانوني چلند به ورسره وشي

شنونکي وایي، دا ډول پېښې د ایران او اسرایلو ترمنځ د اوږدمهاله امنیتي کړکېچ یوه برخه ده او ښيي چې د استخباراتي جګړو شدت لا هم په سیمه کې روان دی