اخبار فوری
حامد کرزی: د طالبانو له لوري د نجونو پر زدهکړو بندیز د افغانستان د راتلونکي تعلیمي او روغتیايي بحران اصلي لامل بلل کېږي
-
امین الله
16 ثور 1405
126
د افغانستان پخواني ولسمشر حامد کرزي د ملګرو ملتونو د ماشومانو د ملاتړ صندوق (یونیسف) د تازه راپور په اړه ژوره اندېښنه څرګنده کړې او ویلي یې دي چې د نجونو پر زدهکړو دوامداره بندیز به هېواد له جدي تعلیمي او روغتیايي بحران سره مخ کړي.
د راپور له مخې، افغانستان به تر ۲۰۳۰ کال پورې د ښځینه ښوونکو له شاوخوا شل زره کمښت او د ښځینه روغتیايي کارکوونکو له پنځه زره زیات کمبود سره مخ شي. همدارنګه، له دوه میلیونو څخه زیاتې نجونې به له زدهکړو بېبرخې پاتې شي.
حامد کرزي ټینګار کړی چې د ښوونځیو او پوهنتونونو د دروازو تړل کېدل د هېواد ملي وړتیا کمزورې کوي او افغانستان به د بهرنیو مرستو او اړتیاوو پر لور زیات تکیه شي.
هغه ویلي، تعلیم د هر هېواد د پرمختګ بنسټ دی او باید ژر تر ژره د نجونو او هلکانو لپاره د زدهکړې برابر فرصتونه برابر شي، څو د هېواد ستونزې د خپلو روزل شویو ځوانانو په لاس حل شي او افغانستان له بهرني احتیاجه خلاص شي.
حامدکرزي په خپلو خبرو کې د نړیوالې ټولنې او د هېواد د مسؤلو ادارو څخه غوښتنه کړې چې د تعلیم پر وړاندې بندیزونه پای ته ورسوي او د ټولنې ټولو قشرونو ته د زدهکړې برابر حقونه تضمین کړي.
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl