اخبار فوری
اخبار افغانستان
د پاکستان د پوځ مشر: په افغانستان کې د وسلهوالو خوندي پټنځایونه په ګواښ بدل شوي دي
-
امین الله
16 ثور 1405
157
مارشال عاصم منیر، د پاکستان د پوځ لوی درستیز، د دې هېواد د لوړپوړو پوځي قوماندانانو په یوه غونډه کې ویلي چې په افغانستان کې وسلهوالو ډلو ته د خوندي پناهځایونو برابرول برعکس پایله ورکړې ده. د هغه په وینا، دغه حالت په خپله پاکستان کې د امنیتي ګواښونو د زیاتېدو لامل شوی دی.
بریانیوز( چهارشنبه، ١٦ ثور ١٤٠٥)
په دې غونډه کې چې د پاکستان د کورني او بهرني امنیت د وضعیت د ارزونې لپاره جوړه شوې وه، لوړپوړو پوځي چارواکو ټینګار وکړ چې د وسلهوالو ډلو پر ضد به پوځي عملیات دوام وکړي او د «ترهګرو» شبکو پر ضد به مبارزه نوره هم چټکه شي.
د پاکستان د پوځ د عامه اړیکو د څانګې د اعلامیې له مخې، په دې ناسته کې پرېکړه وشوه چې روان عملیات به په چټکۍ سره دوام ومومي، د وسلهوالو شبکو له منځه وړلو، د هغوی د ملاتړ بنسټونو په نښه کولو او په پاکستان کې د هر ډول فعالیت د مخنیوي لپاره به هڅې روانې وي.
پاکستاني پوځ همدارنګه ویلي چې د «غضبالحق» په نوم عملیات لا هم روان دي.
دغه عملیات د فبروري میاشتې له سرحدي نښتو وروسته پیل شوي دي او د پاکستاني چارواکو په وینا، هدف یې د وسلهوالو د پټنځایونو له منځه وړل دي.
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl