اخبار فوری
فــــهــــيـــم شـاهـیـن
19 ثور 1405
91
اسحاق ډار: د سارک ناکامي پاکستان درې اړخیزو همکاریو ته اړ باسي
بریا نیوز (شنبه،۱۹ثور ۱۴۰۵)
د محمد اسحاق ډار په وینا، د سویلي اسیا د سیمهییزو همکاریو سازمان یا سارک کمزوري او ناکام وضعیت پاکستان دې ته اړ کړی چې د سیمې لپاره د نوو درې اړخیزو همکاریزو چوکاټونو پر جوړولو غور وکړي
اسحاق ډار ویلي، اسلاماباد اوس هڅه کوي له افغانستان، چین او بنګله دېش سره د ګډو اقتصادي، سوداګریزو او سیاسي همکاریو لپاره بدیلې لارې ولټوي، ځکه د سارک سازمان د کلونو راهیسې د سیمه ییز اتصال او همغږۍ په برخه کې اغېزناک رول نه دی لوبولی
هغه ټینګار کړی چې د سویلي اسیا هېوادونه د اقتصادي ودې، سوداګرۍ، انرژۍ او ټرانزیټ په برخو کې پراخو همکاریو ته اړتیا لري، خو د سیاسي اختلافونو او اوږدمهاله ترینګلتیاوو له امله د سارک ډېری مهم اهداف نیمګړي پاتې شوي دي
شنونکي باور لري چې پاکستان د نوو سیمه ییزو ائتلافونو له لارې هڅه کوي خپل اقتصادي او جیوپولیټیک موقعیت پیاوړی کړي، په ځانګړي ډول داسې مهال چې چین په سیمه کې د یو کمربند، یوې لارې سترې پروژې له لارې خپل نفوذ پراخوي او افغانستان د سیمې د نښلونکې کړۍ په توګه مهم بلل کېږي
د سیاسي چارو کارپوهان وایي، که دغه درې اړخیزې همکارۍ عملي بڼه خپله کړي، نو دا به د سویلي او منځنۍ اسیا ترمنځ د سوداګرۍ، ترانزیټ او امنیتي همکاریو لپاره نوی باب پرانیزي، خو بریا به یې د سیمې د سیاسي ثبات او متقابل باور پورې تړلې وي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl