اخبار فوری
فــــهــــيـــم شـاهـیـن
22 ثور 1405
28
ملګرو ملتونو افغانستان کې د لوږې او بېوزلۍ د پراخېدو خبرداری ورکړ
بریا نیوز (سه شنبه،۲۲ثور ۱۴۰۵)
ملګرو ملتونو ویلي، افغانستان له سختو اقتصادي ستونزو، پراخې بېکارۍ او د هوايي بدلونونو له ناوړه اغېزو سره مخ دی؛ هغه حالت چې په هېواد کې یې د خوراکي توکو بیې لوړې کړې او د خوړو د نه خوندیتوب ستونزه یې نوره هم ژوره کړې ده
د ملګرو ملتونو اړوند د خوړو نړۍوالې ادارې خبرداری ورکړی چې د دغو پرلهپسې ستونزو دوام د هغو ځانګړو خوراکي زېرمو کچه راکمه کړې چې د ښځو او ماشومانو د خوارځواکۍ د درملنې لپاره ساتل کېدې
د راپور له مخې، په افغانستان کې زرګونه کورنۍ د بېوزلۍ، وچکالۍ او د کار د نشتوالي له امله د خپلو لومړنیو اړتیاوو د برابرولو توان نه لري او ګڼ شمېر ماشومان او میندې د خوارځواکۍ له ګواښ سره مخ شوي دي
د خوړو نړۍوالې ادارې ټینګار کړی چې که بېړنۍ مرستې او نړۍوال ملاتړ زیات نه شي، د لوږې او خوارځواکۍ ناورین به لا پراخ شي او تر ټولو ډېر زیان به ښځو او ماشومانو ته ورسېږي
شنونکي وایي، اقتصادي کمزوري، د کرنې زیانمنېدل او د هوايي بدلونونو دوام هغه لاملونه دي چې د افغانستان د خوړو خوندیتوب یې له سخت ګواښ سره مخ کړی او د خلکو د ژوند کړاوونه یې زیات کړي دي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl