اخبار فوری
فــــهــــيـــم شـاهـیـن
23 ثور 1405
21
د پاکستان او ايران د الوتکو لانجه؛ امريکايي سناتور سخت غبرګون وښود
بریا نیوز (چهار شنبه،۲۳ثور ۱۴۰۵)
د امريکا يو مخور سناتور پر پاکستان توندې نيوکې کړې دي، وروسته له هغې چې داسې اوازې خپرې شوې چې ګواکې ايران خپلې پوځي الوتکې د پاکستان په پوځي اډو کې درولې دي
نوموړي د پاکستان پر دريځ بېباوري ښودلې او ويلي يې دي، که ايراني الوتکې رښتيا هم د خپلو پوځي زېرمو د ساتنې لپاره د پاکستان اډو ته لېږدول شوې وي، نو ښايي د روغې جوړې لپاره بل منځګړی ولټول شي
هغه په خپلو څرګندونو کې ويلي دي: «د حيرانتيا خبره نه ده چې دا خبرې کومې پايلې ته نه رسېږي.» د ده دغه څرګندونې په داسې وخت کې شوې دي چې د سيمې سياسي او پوځي تاوتريخوالی ورځ تر بلې زياتېږي
بلخوا، د پاکستان د بهرنيو چارو وزارت تر دې وړاندې هغه ټول راپورونه ناسم بللي وو چې پکې ويل شوي وو ايران خپلې الوتکې د پاکستان په پوځي اډو کې ځاى پر ځاى کړې دي وزارت ټينګار کړی چې دغه ادعاوې له حقيقت څخه لرې دي
سياسي شنونکي وايي، د دغو څرګندونو خپرېدل ښايي د اسلاماباد او واشنګټن ترمنځ اړيکې لا پسې ترينګلې کړي. د دوی په وينا، سيمه اوس د داسې پړاو پر لور روانه ده چې هره سياسي او پوځي پېښه کولای شي نوي بدلونونه راولاړ کړي
کارپوهان باور لري، که د دغې لانجې په تړاو نور جزييات هم رابرسېره شي، نو دا به يوازې د پاکستان لپاره نه، بلکې د ټولې سيمې د سياسي انډول لپاره هم ژور اغېز ولري
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl