سیاست

زلمی خلیلزاد: د پاکستان برید د حل لاره نه ده، د خبرو وخت رارسېدلی

اشتراک گذاری:

زلمی خلیلزاد: د پاکستان برید د حل لاره نه ده، د خبرو وخت رارسېدلی

بریانیوز- پنجشنبه، ۲۱ جوزا ١٤٠۵

د افغانستان د سولې لپاره د امریکا پخواني ځانګړي استازي زلمي خلیلزاد د پاکستان له لوري پر افغان خاوره وروستی برید په کلکو ټکو غندلی او ویلي یې دي

چې په دې برید کې د ماشومانو په ګډون ګڼو بې‌ ګناه ملکي وګړو ته مرګ‌ژوبله اوښتې ده خلیلزاد ویلي، د پاکستان هغه تګلاره چې د پوځي فشار او بریدونو پر بنسټ ولاړه ده، تر اوسه ناکامه ثابته شوې او د ستونزو د حل پر ځای یې د بې‌باورۍ او کړکېچ لمن نوره هم پراخه کړې ده نوموړي ټینګار کړی چې د افغانستان او پاکستان ترمنځ شته لانجې د بمبارۍ، زور او پوځي اقداماتو له لارې نه حل کېږي، بلکې دواړه هېوادونه باید د یوه باوري او منل شوي درېیم لوري په منځګړیتوب د خبرو مېز ته کښېني د هغه په وینا، د تلپاتې سولې او ثبات لپاره اړینه ده چې کابل او اسلام‌اباد داسې روښانه او عملي هوکړې ته ورسېږي چې د دواړو هېوادونو خاوره د یو بل پر ضد د وسلوالو ډلو له فعالیتونو پاکه وساتل شي خلیلزاد زیاته کړې چې د جګړې دوام نه یوازې د دواړو هېوادونو په ګټه نه دی، بلکې د سیمې امنیت او ثبات هم له جدي ګواښ سره مخ کوي د نوموړي په باور، د تاوتریخوالي پر ځای د باور جوړونې، ډیپلوماسۍ او مستقیمو خبرو لاره هغه یوازینۍ حل‌لاره ده چې کولی شي د دواړو ګاونډیو هېوادونو ترمنځ د اوږدمهالو اختلافاتو پای ته رسېدو ته زمینه برابره کړي