سیاست

ټرمپ ایران ته خبرداری: د خارک ټاپو او د تېلو مهمې زېربناوې به تر خپل واک لاندې راولم

اشتراک گذاری:

بریانیوز- جمعه ، ۲۲ جوزا١٤٠۵

د امریکا ولسمشر ډونالډ ټرمپ ایران ته په سختو څرګندونو کې خبرداری ورکړی چې د خارک ټاپو او د دغه هېواد د تېلو اړوند مهمې زېربناوې به تر خپل واک لاندې راولي

ټرمپ ویلي، که اړتیا پېښه شي نو د ایران د تېلو او ګازو مهم تاسیسات به ونیسي او د انرژۍ د نړیوال بازار د بیو تر باثباته کېدو پورې به پرې بشپړ کنټرول وساتي

هغه زیاته کړې چې د نړۍ د انرژۍ بازار ثبات د امریکا لپاره ستر ارزښت لري او واشنګټن به اجازه ور نه کړي چې هر ډول کړکېچ د تېلو او ګازو پر نړیوالو بیو ناوړه اغېز وکړي

د ټرمپ دغو څرګندونو په داسې مهال پراخ غبرګونونه راپارولي چې د سیمې امنیتي وضعیت لا هم ترینګلی دی او د انرژۍ نړیوال بازارونه د هر ډول نوي پرمختګ څارنه کوي

تر اوسه ایراني چارواکو د دغو څرګندونو په اړه رسمي غبرګون نه دی ښودلی