مقاله

لندن –برېتانیا د روسیې له “پټې بېړۍ ډلې” سره تړلې د تېلو بېړۍ ودروله

اشتراک گذاری:

بریانیوز- دوشنبه ٢۵ جوز ١٤٠٥

لندن – د برېتانیا پوځ د انګلیسي چینل په اوبو کې د یوې داسې د تېلو بېړۍ مخه نیولې چې د راپورونو له مخې د روسیې له “پټې بېړۍ ډلې” سره تړاو لري

د برېتانیا لومړي وزیر کېر سټارمر ویلي چې دا د برېتانوي ځواکونو له لوري د دغه ډول لومړني عملیاتو په توګه ثبتېږي. هغه په خپله وینا کې ویلي، د شپې په لومړیو ساعتونو کې یې پوځ ته لارښوونه کړې وه چې هغه د تېلو بېړۍ ودروي چې هڅه یې کوله د انګلیسي چینل له لارې تېر شي

سټارمر د ټولنیزې شبکې “ایکس” په یوه پیغام کې ویلي چې دا بېړۍ د روسیې له هغه شبکې سره تړاو لري چې د بندیزونو د اغېز کمولو لپاره کارول کېږي.

د برېتانیا چارواکي وایي، دا اقدام د نړیوالو بندیزونو د پلي کولو او د سمندري امنیت د ټینګښت په برخه کې یو مهم ګام بلل کېږي

دا پېښه په داسې وخت کې رامنځته کېږي چې د لوېدیځو هېوادونو او روسیې ترمنځ د بندیزونو او جیوپولټیکي فشارونو موضوع لا هم په نړیواله کچه د پام وړ پاتې ده