اخبار فوری
فــــهــــيـــم شـاهـیـن
29 جوزا 1405
32
بقايي: د ایران توغندیز ځواک د معاملې او خبرو اترو برخه نه ده
بریانیوز- جمعه ٢۹ جوز ١٤٠٥
د ایران د بهرنیو چارو وزارت ویاند اسماعیل بقايي ویلي چې د هېواد توغندیز ځواک د ملي دفاع بنسټیزه برخه ده او د خبرو اترو یا سیاسي معاملو موضوع نه ګڼل کېږي
نوموړي په یوه خپاره کړي پیغام کې په طنزیه بڼه ویلي چې «ایراني توغندي د ځان په اړه له خبرو خوښ نه دي»، او زیاته کړې یې ده چې د دغو وسلو اصلي دنده د هېواد دفاع او د هر ډول ګواښ پر وړاندې چمتووالی دی
بقايي ټینګار کړی چې د ایران توغندیز وړتیا د هېواد د دفاعي تګلارې مهمه ستنه ده او تهران به اجازه ور نه کړي چې دا موضوع د سیاسي فشارونو او یا هم د خبرو اترو د اجنډا برخه وګرځي
د هغه په وینا، د ایران دفاعي ځواکونه د هېواد د خپلواکۍ، ځمکنۍ بشپړتیا او ملي ګټو د خوندي ساتلو لپاره جوړ شوي او په دې برخه کې د تهران دریځ روښانه او نه بدلېدونکی دی
د ایران د بهرنیو چارو وزارت ویاند دا څرګندونې په داسې مهال کړې چې د تهران او واشنګټن ترمنځ د وروستۍ تفاهمنامې له لاسلیک وروسته د دواړو هېوادونو د اړیکو او امنیتي موضوعاتو په اړه بحثونه زیات شوي دي
سیاسي څارونکي باور لري چې د ایران توغندیز پروګرام لا هم د سیمې د امنیتي معادلو له مهمو موضوعاتو څخه دی، او د تهران وروستۍ څرګندونې ښيي چې دغه هېواد د خپل دفاعي ځواک په اړه له خپل پخواني دریځ څخه د تېرېدو اراده نه لري
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl