اخبار فوری
فــــهــــيـــم شـاهـیـن
29 جوزا 1405
54
د ټرمپ پخوانی سلاکار: نوی تړون د پخوانیو شعارونو خلاف لاره ده
بریانیوز- جمعه ٢۹ جوز ١٤٠٥
د امریکا د ملي امنیت پخواني سلاکار د ولسمشر ډونالډ ټرمپ پر وروستۍ هوکړې نیوکه کړې او ویلي یې دي چې ټرمپ یو وخت د ایران له پخواني اټومي تړون سره سخت مخالفت درلود، خو اوس یې داسې موافقه منلې چې له خپلو پخوانیو دریځونو سره په ښکاره ټکر کې ښکاري
نوموړي ویلي، هغه تړون چې ټرمپ به یې «تر ټولو ناوړه هوکړه» بلله، نن د داسې یوې نوې موافقې ځای نیولی چې د ده په وینا ایران ته پراخ اقتصادي فرصتونه او امتیازونه برابروي
هغه زیاته کړې چې د هرمز تنګي د پرانیستې موضوع د جګړې تر رامنځته کېدو وړاندې هم جدي خنډ نه درلود، خو اوس د همدې موضوع په بدل کې تهران د پام وړ اقتصادي ګټې ترلاسه کوي
د ملي امنیت دغه پخواني سلاکار ویلي، د فرانسې په ورسای ماڼۍ کې د هوکړې لاسلیک ښايي د یوه ستر سیاسي بریالیتوب په توګه وړاندې شي، خو منتقدین یې د واشنګټن له پخوانیو ژمنو او سیاستونو څخه د شاتګ نښه بولي
نوموړي ټینګار کړی چې دا تړون به د امریکا د بهرني سیاست په اړه پراخ بحثونه را وپاروي، ځکه د ده په باور سپینې ماڼۍ هغه دریځ بدل کړی چې کلونه یې پرې سیاسي مبارزه کوله
دا څرګندونې په داسې حال کې مطرح کېږي چې د ایران او امریکا د وروستۍ هوکړې په اړه په واشنګټن کې د ملاتړ او مخالفت غږونه لا هم پورته کېږي او د هغې د اوږدمهالو پایلو په اړه بېلابېل اټکلونه روان دي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl