مقاله

امریکا ولسمشر:ټرمپ ته د قطر له لوري د ورکړل شوې بوینګ الوتکې د سپارلو راپور

اشتراک گذاری:

بریانیوز- شنبه ۳۰ جوز ١٤٠٥

راپورونه وایي چې د قطر د شاهي کورنۍ له لوري امریکا ولسمشر ډونالډ ټرمپ ته د نږدې ۴۰۰ میلیونه ډالرو په ارزښت ورکړل شوې بوینګ الوتکه اوس په رسمي ډول امریکا ته سپارل شوې ده

د معلوماتو له مخې، په دې الوتکه کې د پرمختللو ټکنالوژیکي بدلونونو ترڅنګ د مخابراتو، امنیتي سیستمونو او نورو حساسو برخو ژور ترمیم او اصلاحات ترسره شوي دي، څو د لوړ پوړو دولتي سفرونو لپاره مناسبه شي

ټرمپ ویلي چې دا الوتکه به له دې وروسته د “الوتونکې سپینې ماڼۍ” په توګه وکارول شي او د هغه په وینا د لوړ پوړو رسمي سفرونو لپاره به د یو مهم ترانسپورتي مرکز رول ولوبوي

دا راپور په داسې حال کې خپرېږي چې د دغه ډول لوکسو او ځانګړو الوتکو د کارونې او ملکیت په اړه په نړیواله کچه تل بحثونه او پوښتنې راپورته کېږي