سیاست

لندن: کییر سټارمر د واک پرېښودو ته چمتووالی نیسي

اشتراک گذاری:

بریانیوز- دوشنبه ۱ سرطان ١٤٠٥

د بریتانیا د دغه هېواد لومړی وزیر کيير سټامرد خپلې دندې د پرېښودو په اړه جدي غور کوي او ښايي په نږدې ورځو کې خپله پرېکړه اعلان کړي
د راپور له مخې، سټارمر د کابینې له غړو، سیاسي سلاکارانو، د سوداګرۍ له استازو او د کارګر ګوند له مهمو ملاتړو سره له پراخو مشورو وروسته دې پایلې ته رسېدلی چې د روانو سیاسي فشارونو او داخلي اختلافاتو په موجودیت کې د هغه د واک دوام له ګڼو ستونزو سره مخ شوی دی.سرچینې وایي چې د کارګر ګوند دننه د ملاتړ د کمېدو نښې ورځ تر بلې څرګندې شوې دي او د ګوند یو شمېر مخکښ غړي د رهبرۍ د بدلون غوښتونکي دي. د سټارمر په دې پوهېږي چې د ګوند دننه د پخوا په څېر پراخ ملاتړ نه لري، خو هڅه کوي چې د واک د لېږد بهیر په منظم او ارام ډول ترسره شي
سیاسي څارونکي باور لري چې د سټارمر پر وړاندې فشارونه وروسته له هغه نور هم زیات شول چې د هغه سیاسي سیال په وروستیو ټاکنیزو سیالیو کې د پام وړ بریا ترلاسه کړه او د کارګر ګوند په دننه کې یې خپل نفوذ پراخ کړ
که دا راپورونه عملي بڼه غوره کړي، نو د بریتانیا سیاسي ډګر به له یوه مهم بدلون سره مخ شي او د کارګر ګوند دننه به د نوي مشر د ټاکلو لپاره سیاسي سیالي لا پسې توده شي