تهران: د ایران توغندیز پروګرام د هېڅ هوکړې برخه نه ده او نه به وي

تهران: د ایران توغندیز پروګرام د هېڅ هوکړې برخه نه ده او نه به وي

بریانیوز- چهار شنبه ۳ سرطان ١٤٠٥

تهران – د ایران ولسمشر  په ډاګه کړې چې د هېواد توغندیز پروګرام د جګړې د پای ته رسېدو لپاره د لومړنیو تفاهماتو برخه نه وه او "هیڅکله" به د راتلونکو احتمالي هوکړو په چوکاټ کې هم شامل نه شي

پزشکیان ویلي چې د ایران دفاعي وړتیاوې او توغندیز ځواک د هېواد له ملي امنیت او حاکمیت سره مستقیم تړاو لري او تهران په دې برخه کې د هر ډول محدودیت یا مذاکرې مخالف دریځ لري

په همدې حال کې ایراني رسنیو راپور ورکړی چې د  او مسعود پزشکیان ترمنځ په لیدنه کې د ایران او امریکا ترمنځ د احتمالي مذاکراتو موضوع هم یاده شوې ده

د راپورونو له مخې، شهباز شریف ویلي چې د ایران او امریکا د خبرو اترو په بهیر کې د بالستیک توغندیو په اړه هېڅ ډول بحث نه دی شوی. هغه زیاته کړې چې د نړۍ ګڼ هېوادونه بالستیک توغندي لري او له همدې امله دا موضوع د خبرو اترو په اجنډا کې ځای نه لري

د پاکستان لومړي وزیر همداراز ټینګار کړی چې روانې دیپلوماتیکې هڅې تر ډېره پر سیمه‌ییز ثبات، امنیتي اندېښنو او د شخړو د سیاسي حل پر لارو چارو متمرکزې دي، نه د هېوادونو پر دودیزو دفاعي وړتیاوو

د تهران دا دریځ په داسې وخت کې څرګندېږي چې د ایران د اټومي پروګرام، سیمه‌ییزو سیاستونو او دفاعي وړتیاوو په اړه نړیوال بحثونه لا هم دوام لري. د سیاسي چارو شنونکي باور لري چې د ایران توغندیز پروګرام به د راتلونکو سیمه‌ییزو او نړیوالو بحثونو له مهمو موضوعاتو څخه پاتې شي، خو تهران تر اوسه د دې موضوع په اړه د هر ډول امتیاز ورکولو نښې نه دي ښودلې