اخبار فوری
فــــهــــيـــم شـاهـیـن
05 سرطان 1405
45
پخواني ولسمشر: حامد کرزي د انجینر قطبالدین هلال پر مړینه خواشیني څرګنده کړه
بریانیوز-جمعه ۵ سرطان ١٤٠٥
کابل – د افغانستان پخواني ولسمشر د جهادي شخصیت، پخواني سیاسي مشر او قومي مخور د مړینې پر خبر ژوره خواشیني څرګنده کړې ده
حامد کرزي په خپلې اېکس پاڼې خپاره کړي پیغام کې ویلي چې د انجینر قطبالدین هلال مړینه د هېواد لپاره یوه خواشینوونکې ضایعه ده. نوموړي د مرحوم کورنۍ، دوستانو، خپلوانو او مینهوالو ته د زړه له کومې تسلیت وړاندې کړی دی
کرزي د مرحوم لپاره د الله تعالی له درباره د مغفرت، لوړو درجو او جنت الفردوس دعا کړې او د هغه کورنۍ ته یې د صبر، زغم او استقامت غوښتنه کړې ده
انجینر قطبالدین هلال د افغانستان له پېژندل شویو جهادي او سیاسي څېرو څخه و، چې د خپل سیاسي او ټولنیز فعالیت په اوږدو کې یې د هېواد په بېلابېلو مهمو برخو کې دندې ترسره کړې وې. د هغه مړینې د هېواد د ګڼو سیاسي، جهادي او ټولنیزو شخصیتونو غبرګونونه راپارولي دي
د یادونې وړ ده چې د انجینر قطبالدین هلال د جنازې مراسم په کابل کې ترسره کېږي او وروسته به نوموړی د خپل پلرني ټاټوبي په خاورو کې خاورو ته وسپارل شي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl