اخبار فوری
فــــهــــيـــم شـاهـیـن
05 سرطان 1405
34
یوناما: د سولې او ټول ګډوني پرمختګ لپاره د افغان ښځو ګډون اړین دی
بریانیوز-جمعه ۵ سرطان ١٤٠٥
کابل – په افغانستان کې د ملګرو ملتونو مرستندویه پلاوي د ښځو د ډیپلوماسۍ نړۍوالې ورځې په مناسبت ویلي چې د سولې، نړیوالو همکاریو او مهمو پرېکړو په بهیر کې د ښځو ونډه بنسټیز اهمیت لري
یوناما په یوه خپره کړې اعلامیه کې ټینګار کړی چې په افغانستان کې د ښځو مانا لرونکی او اغېزناک ګډون، په ځانګړي ډول د پرېکړو جوړونې په بهیر او عامه ژوند کې، د تلپاتې سولې، ټولنیز ثبات او ټولګډوني پرمختګ لپاره مهم عنصر ګڼل کېږي
دغه بنسټ ویلي چې د ټولنې د نیمایي وګړو له ظرفیتونو پرته د پرمختګ او سوکالۍ بشپړ تصویر نه شي رامنځته کېدای، له همدې امله باید ښځو ته د مشارکت او ونډې اخیستنې مناسب فرصتونه برابر شي
یوناما همداراز د افغان ښځو او نجونو لپاره د برابرو فرصتونو پر رامنځته کولو ټینګار کړی او ویلي یې دي چې زدهکړو، کاري فرصتونو او ټولنیزو فعالیتونو ته لاسرسی د یوې باثباته او پرمختللې ټولنې د جوړېدو مهم بنسټونه دي
دا څرګندونې په داسې وخت کې مطرح کېږي چې د ښځو د ډیپلوماسۍ نړۍواله ورځ د نړۍ په بېلابېلو هېوادونو کې د سولې، منځګړیتوب او نړیوالو اړیکو په ډګر کې د ښځو د رول د ستاینې او پیاوړتیا په موخه نمانځل کېږي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl