اخبار فوری
د جګړې تر پای وروسته نوی سیمه ییز نظم؛ عربي هېوادونه د ایران–امریکا د هوکړې پایلو ته اندېښمن دي
فــــهــــيـــم شـاهـیـن
06 سرطان 1405
52
د جګړې تر پای وروسته نوی سیمه ییز نظم؛ عربي هېوادونه د ایران–امریکا د هوکړې پایلو ته اندېښمن دي
بریانیوز- شنبه ۶ سرطان ١٤٠٥
سره له دې چې عربي هېوادونو د ایران او امریکا ترمنځ د جګړې د پای ته رسېدو هرکلی کړی، خو د احتمالي سولې هوکړې د محتوا او پر سیمهییز امنیت د هغې د اغېزو په اړه لا هم پراخې اندېښنې موجودې دي
د راپور له مخې، د سیمې ډېری عرب هېوادونه اندېښنه لري چې نوی توافق به د ایران د بالستیک توغندیو د پروګرام، د حزبالله د راتلونکي رول، د هرمز تنګي د امنیت او په منځني ختیځ کې د امریکا د امنیتي ژمنو پر دوام څه اغېز ولري
شنونکي باور لري چې که دا موضوعات په هر ډول هوکړه کې په روښانه ډول ونه ارزول شي، ښايي د سیمې امنیتي معادلې له نویو ننګونو سره مخ شي او د خلیج هېوادونو اندېښنې لا زیاتې شي
راپور همداراز څرګندوي چې د جګړې درېدنه که څه هم د تاوتریخوالي د کمېدو لپاره مهم ګام بلل کېږي، خو د سیمې راتلونکی ثبات به تر ډېره د هغو سیاسي او امنیتي ترتیباتو له څرنګوالي سره تړلی وي چې د تهران او واشنګټن ترمنځ پرې هوکړه کېږي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl