اخبار فوری
فــــهــــيـــم شـاهـیـن
09 سرطان 1405
52
پاریس – مکرون د اروپايي ټولنې د کډوالو له بهرنيو مرکزونو سره مخالفت وکړ
بریانیوز-سه شنبه ۹ سرطان١٤٠٥
پاریس – د فرانسې ولسمشر امانوئل مکرون ویلي، هېواد یې د اروپايي ټولنې له پولو بهر د کډوالو د ساتنې او بېرته ستنولو د مرکزونو د جوړولو ملاتړ نه کوي او دا تګلاره د فرانسې له ارزښتونو او بشري اصولو سره په ټکر کې بولي
د نوموړي څرګندونې وروسته له هغې شوې چې اروپايي پارلمان د رد شویو پناه غوښتونکو د بېرته ستنولو لپاره نوی چوکاټ تصویب کړ. د دې پرېکړې له مخې، د اروپايي ټولنې غړي هېوادونه کولای شي له درېیمو هېوادونو سره د هغو مرکزونو د جوړولو هوکړې وکړي، چې د کډوالو د ساتنې او بېرته ستنولو لپاره به کارول کېږي
په ورته مهال، ډنمارک، ایټالیا او اتریش د دې تګلارې کلک ملاتړي دي. د دغو هېوادونو په باور، د یادو مرکزونو جوړېدل به د ناقانونه کډوالۍ د مخنیوي او د رد شویو پناه غوښتونکو د بېرته ستنولو بهیر چټک او اغېزمن کړي
خو مکرون ټینګار کړی چې تر اوسه هېڅ داسې بېلګه نه ده لیدل شوې چې په درېیم هېواد کې د کډوالو د بېرته ستنولو مرکز بریالی تمام شوی وي. هغه زیاته کړې چې دا ډول تګلاره نه عملي پایله لري او نه هم د فرانسې له بشري او قانوني ژمنو سره برابره ده
فرانسه او هسپانیا د اروپايي ټولنې له هغو محدودو هېوادونو څخه دي چې د دې طرحې په اړه شکونه لري، په داسې حال کې چې د ټولنې یو شمېر نور غړي د کډوالۍ د فشار د کمولو لپاره د دې تګلارې د پلي کېدو غوښتونکي دي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl