اخبار فوری
فــــهــــيـــم شـاهـیـن
13 سرطان 1405
49
پولنډ ۵۴ ناقانونه کډوال ونیول؛ ۱۵ افغانان هم پکې شامل دي
بریانیوز- شنبه، ١۳ سرطان ١٤٠٥
د پولنډ د سرحدي ساتنې ادارې ویلي، د پولنډ او لیتوانیا پولې ته نږدې یې په یوه باروړونکي موټر کې ۵۴ ناقانونه کډوال نیولي دي
د دغې ادارې د معلوماتو له مخې، په یاد موټر کې ۳۰ پاکستانیان، ۱۵ افغانان او ۹ د بنګلهدېش وګړي سپاره وو. ویل کېږي چې موټر د رومانیا نمبر پلېټ درلود او یو رومانیایي وګړي چلاوه
پولنډي چارواکو ویلي، نیول شوي کډوال به د بېرته سپارلو د بهیر له مخې لیتوانیا ته ولېږدول شي، او د دې پېښې او د ناقانونه تګ راتګ د څرنګوالي په اړه پلټنې روانې دي
دا پېښه په داسې وخت کې رامنځته شوې چې په سیمه کې د ناقانونه کډوالۍ لارې بدلې شوې دي. د راپورونو له مخې، په وروستیو میاشتو کې د بېلاروس او پولنډ پر پوله د ناقانونه اوښتو هڅې کمې شوې، خو د بېلاروس او لاتویا پر پوله د کډوالو تګ راتګ زیات شوی دی
چارواکي وایي، ډېری کډوال له بېلاروسه لاتویا ته له ننوتلو وروسته د لیتوانیا او پولنډ له لارې لوېدیځو اروپايي هېوادونو ته د رسېدو هڅه کوي. له همدې امله پولنډي ځواکونه د پولنډ او لیتوانیا پر پوله، چې لنډمهالي امنیتي محدودیتونه پکې لا هم نافذ دي، وخت ناوخت د ناقانونه کډوالو ډلې نیسي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl