اقتصاد

سوداګرۍ: د صنعت او سوداګرۍ وزیر د صنعت او کانونو د پنځم ملي او نړیوال نندارتون لیدنه وکړه

اشتراک گذاری:

بریانیوز - سه شنبه، ١۶ سرطان ١٤٠٥

د صنعت او سوداګرۍ وزیر په کابل کې د صنعت او کانونو د پنځم ملي او نړیوال نندارتون څخه لیدنه وکړه او د بېلابېلو کورنیو تولیدي شرکتونو، صنعتي فابریکو او کانونو اړوند نندارې یې وکتلې

د صنعت او سوداګرۍ وزارت ویلي، د دې لیدنې موخه د هېواد د صنعتي فعالیتونو ارزونه، د کورنیو تولیدوونکو ملاتړ، د افغاني تولیداتو د کارونې دودول او د صنعت د پراختیا لپاره د وزارت د پالیسیو پیاوړتیا ده

د وزارت په وینا، نورالدین عزیزي د نندارتون پر مهال د تولیدي شرکتونو له استازو سره هم خبرې وکړې او د هغوی ستونزې، وړاندیزونه او اړتیاوې یې واورېدې، څو د راتلونکو صنعتي پالیسیو او پروګرامونو په جوړولو کې ترې ګټه واخیستل شي

وزارت زیاتوي، د صنعت او کانونو سکټور پراختیا د کارموندنې، اقتصادي ودې او د وارداتو د کمولو لپاره مهمه ګڼل کېږي، او د کورنیو تولیداتو ملاتړ کولی شي د هېواد په اقتصادي ځان‌بسیاینې کې اغېزناک رول ولوبوي

د صنعت او سوداګرۍ وزارت ټینګار کړی چې د صنعت او کانونو د پراختیا، د پانګونې د جذب او د تولیدي فابریکو د ملاتړ لپاره به خپلې هڅې لا پراخې کړي، څو په هېواد کې د دوامدار اقتصادي پرمختګ زمینه برابره شي