مقاله

تهران : ایران د خامنه‌يي د جنازې مراسمو لپاره ۲۵۰۰ افغانانو ته ځانګړې ویزې ورکړې

اشتراک گذاری:

بریانیوز - سه شنبه، ١۶ سرطان ١٤٠٥

د ایران د تایباد والي ویلي، په افغانستان کې د ایران د څلورو کونسلګریو له لارې د ایران د مخکني مذهبي مشر د جنازې او مخه ښې په مراسمو کې د ګډون لپاره ۲ زره او ۵۰۰ افغان وګړو ته ځانګړې ویزې صادرې شوې دي

د ایراني رسنیو د راپورونو له مخې، حسین جمشیدي ویلي چې له تېرو درېیو ورځو راهیسې له ۱۵۰۰ څخه ډېر افغانان د دوغارون سرحدي پولې له لارې د ایران مشهد ښار ته داخل شوي، څو د جنازې او اړوندو مراسمو کې ګډون وکړي

د هغه په وینا، دغو کسانو ته ویزې د افغانستان په کابل، هرات، کندهار، بلخ او نورو ولایتونو کې د ایران د کونسلګریو له لارې ورکړل شوې دي. نوموړي زیاته کړه چې ډېری ګډونوال د کابل، کندهار، بلخ، هرات، غزني، دایکنډي او هلمند ولایتونو اوسېدونکي دي

جمشیدي ویلي، د دغو ځانګړو ویزو موده محدوده ده او هغه افغانان چې د مراسمو لپاره ایران ته تللي، باید د روانې چنګاښ میاشتې په شلمه او یوویشتمه بېرته افغانستان ته راستانه شي

د تایباد والي همداراز څرګنده کړې چې سې‌شنبه د هغو افغان وګړو لپاره وروستۍ ورځ ده چې غواړي د ځانګړو ویزو له لارې د جنازې په مراسمو کې ګډون وکړي او ایران ته سفر وکړي