اخبار فوری
فــــهــــيـــم شـاهـیـن
18 سرطان 1405
50
سنټکام : د امریکا او ایران کړکېچ تازه پړاو ته داخل شو؛ واشنګټن نوي بریدونه پیل کړل
بریانیوز پنجشنبه- ١۸ سرطان ١٤٠٥
متحده ایالتونو د هرمز تنګي کې پر درېیو نفتي ټانکرونو د بریدونو له پېښې وروسته د ایران پر ضد د پوځي بریدونو نوې لړۍ پیل کړې ده. دا بریدونه په داسې وخت کې ترسره کېږي چې د دواړو هېوادونو ترمنځ کړکېچ ورځ تر بلې ژورېږي
د امریکا مرکزي قوماندانۍ (سنټکام) ویلي، د دغو عملیاتو موخه پر ایران د «درنو لګښتونو» تپل او په سیمه کې د امریکا او متحدانو د امنیت ساتل دي. سنټکام ټینګار کړی چې د خپلو ګټو او سمندري لارو د خوندي کولو لپاره به اړین اقدامات دوام ولري
په ورته وخت کې، ایراني رسنیو راپور ورکړی چې د سیریک، قشم او بندرعباس په سیمو کې چاودنې شوې او ځینې بندري تاسیسات په نښه شوي دي. د راپورونو له مخې، له بریدونو وروسته په یادو سیمو کې بېړني او امنیتي ځواکونه ځای پر ځای شوي او د زیانونو د ارزونې چارې روانې دي
تر اوسه ایراني چارواکو د بریدونو د تلفاتو او زیانونو په اړه بشپړ معلومات نه دي خپاره کړي، خو د وروستیو پوځي پرمختګونو له امله په سیمه کې د تاوتریخوالي د لا زیاتېدو اندېښنې پراخې شوې دي
د یادونې وړ ده چې هرمز تنګی د نړۍ له مهمو سمندري لارو څخه ګڼل کېږي او هر ډول پوځي کړکېچ په دې سیمه کې د نړیوالې سوداګرۍ او انرژۍ پر لېږد هم اغېز کولای شي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl