سیاست

زلمی خلیلزاد: له کانکور ازموینې د افغان نجونو محرومول ناسمه او خواشینوونکې پرېکړه ده

اشتراک گذاری:

بریانیوز جمعه - ١۹ سرطان ١٤٠٥

د افغانستان د سولې لپاره د امریکا پخواني ځانګړي استازي د افغان ښځو او نجونو له کانکور ازموینې د محرومولو پرېکړه «ناسمه او خواشینوونکې» بللې او ویلي یې دي چې د زده‌کړو فرصت باید له هېچا څخه وانخیستل شي

خلیلزاد په خپلو څرګندونو کې ټینګار کړی چې زده‌کړه د ټولنې د پرمختګ او سوکالۍ بنسټ جوړوي او د نجونو د لوړو زده‌کړو محدودول د افغانستان د راتلونکي لپاره زیانمن تمامېدای شي

تر دې وړاندې د افغانستان پخواني ولسمشر هم د ښځو او نجونو له کانکور ازموینې د محرومیت په اړه اندېښنه څرګنده کړې وه. هغه یو ځل بیا غوښتنه کړې چې د نجونو پر مخ د ښوونځیو، پوهنتونونو او لوړو زده‌کړو دروازې پرانیستل شي، څو هغوی وکولای شي خپلې زده‌کړې بشپړې کړي

د نجونو د زده‌کړو موضوع په وروستیو کلونو کې د افغانستان له مهمو ټولنیزو او تعلیمي بحثونو څخه ده، چې په اړه یې کورنیو او نړیوالو لورو بېلابېل غبرګونونه او غوښتنې مطرح کړې دي